DIBURI JALA DIPASAKSAK DIBAGASAN MUDAR NI BIRUBIRU I GABE MIAN DIHABANGSA NI DEBATA

SERMON EPISTEL MINGGU 22 NOVEMBER 2009

(Pangungkapon 7 : 9 – 17)

Oleh: Pdt. Lelim Yan Fransher Limbong, STh

1.    Songon tangkas itaboto ianggo isi ni buku Pangungkapon on, secara umum, hapapatar taringot tu angka na naeng masa sogot (panurirangon) na nilehon ni Debata tu apostel Johannes uju tarbuang ibana tu Pulau Patmos. Gumodang do angka na niida ni Apostel Johannes on bernuansa eskhatologis (eskaton = hari-hari terakhir), Maranatha manang parousia (haroro ni Tuhan Jesus) dohot na masa dihabangsa ni Debata. Ibarat ni sada “buku carita”, mansai godang do dinamika dohot konflik na masa na pinaandar ni buku Pangungkapon on. Secara umum, dinamika manang konflik i paporsukporsuk pemeran protogonis (na burju, siula na denggan) jala pasonangsonang pemeran antagonis (na jungkat, na jat). Alai, anggo ujung ni saluhutna, ima happy ending (akhir bahagia) tu pemeran protogonis jala sad ending (akhir yang mendukakan, menyengsarakan) tu pemeran antagonis. Jala angka na parsidohot mamparsaulihon happy ending holan angka na monang, na manahan ro di ujungna, na burju rasirasa mate (pat. Pang. 2 : 7, 10 – 11, 17, 26; 3 : 5, 12, 21; 15 : 2; 21 : 7). Pangapulion jala gogo na sian Debata do on tu angka na manghophop haporseaonna tu Debata dibagasan Kristus, na tongon dibagasan haporsuhon godang. Tongon dianiaya jala marutang hosa (talpe tu hamatean) do huria na parjolo i dina marhaporseaon tu Debata dibagasan Kristus. Manahan ma nian huria i dihaporseaon, dihaburjuon dohot pangoloionna tu Birubiru ni Debata. Ipeop ma na nidok ni Tuhan Jesus: ”Unang pola mabiar hamu mida angka na mambunu daging, angka na so tuk mambunu tondi; alai na marhuaso mangagohon daging dohot tondi tu na roko, i do sihabiaranmuna (Mateus 10 : 28)”.

2.    Ianggo situasi manang suasana na niida ni Apostel Johannes di turpukta on, ima situasi manang suasana habangsa ni Debata raphon Birubiru (gombaran na martudutudu tu Tuhan Jesus). Jumpang do tingka angka na mamparungkilhon pasauthon haporseaon dohot pangoloionna tu Debata manjalo singkat ni haporsuhonna, ima hamuliaon. Jala mansai torop do na bongot tusi na so dapot bilangan ni jolma sian nasa bangso. Laos hasitongan ni pangungkapon on do na mangalo pangantusion na mandok holan 144.000 halak do na bongot tu Habangsa ni Debata. Na ummarga, marhite pangungkapon on tamba ma semangat ni angka na porsea na memperjuangkan haporseaonna. Torop do hape na bongot tu habangsa ni Debata. Ai sada “persoalan” di angka na marsitutu mangoloi manang marhaporseaon tu Debata, ima “ndang adong be donganna”, songon na nidok  ni panurirang Elia (pat. I Raja 19 : 14, 19). Udut tusi maruloshon abit na saksak dohot maniop maremare (simbol kemenangan) ma angka na dihabangsa ni Debata. Marhatuaon ma nasida manghunduli (mian) dihabangsa ni Debata. Songon na nidok ni Apostel Petrus: “Marlas ni roha ma hamu, marguru tu saormuna di angka haporsuhon na tinaon ni Kristus i, asa dohot hamu marlas ni roha jala mariaia, di na gabe patar hasangaponna i (I Petrus 4 : 13)”.

3.    Dipataridahon ma muse ulaon panombaon dohot pamujion na dipangiar di habangsa ni Debata. Dibuhai do hata pamujion i dohot hata amen (na marlapatan na tutu situtu) jala diujungi muse dohot hata amen (na tutu situtu). Dalam terjemahan bahasa Indonesia ada 7 kata yang diawali dan diakhiri kata amen tersebut (bahasa Batak hanya 6), yaitu: puji-pujian, kemuliaan, hikmat, syukur, hormat, kekuasaan, kekuatan. Di pangantusion “theologia angka”, angka 7 mengandung makna KESEMPURNAAN. Asa dibagasan kesempurnaan, na tutu situtu do pamujion di Debata na niida ni si Johannes dipangungkapon on. Sian barita on, guruhononta manang pasomalsomalhononta do pasahatahon pamujion tu Debata dibagasan “Kesempurnaan (segala kemampuan yang kita bisa)” na tutu situtu.

4.    Na tutu situtu do Debata marhitehite mudar ni Birubiru i paluahon jala pasaksakhon angka na mian dihabangsa ni Debata. Alai, ndang marlapatan gabe pasif, nasida. Ingkon aktif bahkan proaktif do angka mian dihabangsa ni Debata i. Ro do nasida sian haporsuhon godang, on ma gombaran haradeon nasida mangadopi ragam ni haporsuhon bahkan sumeahon hosana manghomol panghophopion ni Kristus i. Ai ro do nasida mamuri abitna jala pasaksakhon i dibagasan mudar ni Birubiru i. Keselamatan memang telah tersedia di dalam darah Anak Domba Allah; namun keselamatan akan tetap tinggal keselamatan, jika manusia tidak menerima dan memperjuangkannya (pat. Pilippi 2 : 12). Lapatanna, ingkon adong do “peran serta” ni hajolmaon mangulahon haluaonna i. Tak ada keselamatan sejati tanpa peran serta (respon) manusia. Anggo haluaon i nunga diparade Debata marhitehite mudar ni Birubiru i. Holan i, boha do hita mamparsaulihon i?

5.    Dungi diida Apostel Johannes ma hasurungan ni angka na mian dihabangsa ni Debata. Minimal 4 persoalan pokok dingolu hajolmaon disoadahon disi, ima: sipanganon dohot siinumon, tempat tinggal, penderitaan dohot hamatean. Na adong ima, pangoloion dohot pamujion tu Ibana na so boi binatasan ni partingkian. Na menarik, birubiru do somalna na pinarmahanan ni jolma; alai anggo diinganan i, tung Birubiru do na marmahani angka na mian dihabangsa ni Debata. Tu mual aek hangoluan i (sumber kehidupan) do togihononNa angka na mian dihabangsa ni Debata. Ai Ibana do mual ni aek hangoluan i jala nasa na tinogihononNa tu mual aek hangoluan i (tu Ibana) ndang aeonna i be hamatean ro di saleleng ni lelengna. Mangolu ma angka na porsea i, nang pe mate nasida (patudos epistel Johannes 11 : 25 – 26).

6.         Tongon di minggu ujung taon parhuriaon jala minggu parningotan ni angka na monding turpuk epistelta on. Di sada sisi, naeng tongtong itabilang-bilangi kualitas pangoloionta di sataon parhuriaon on, diawali dohot diujungi, amen do?  Disisi na asing, marhite pangungkapon na ginurithon ni si Johannes on, naeng lam margogo hita manghamonanghon parsiranggutan ni haporseaonta i. Itaingot ma tongtong holan angka na monang i do na manganhon parbue hau hangoluan i. Holan angka na manahan ro diujungna na diburi jala dipasaksak dibagasan mudar ni Birubiru i do na mian dihabangsa ni Debata. Muse, songon na nidok ni Tuhan Jesus: “Torop do inganan dibagas ni Damang…(Johannes 14 :2)”, ro be ma hita. Amen!

One response to “DIBURI JALA DIPASAKSAK DIBAGASAN MUDAR NI BIRUBIRU I GABE MIAN DIHABANGSA NI DEBATA

  1. Mauliate ma di Pandita🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s